37 ආදරේ කියා දෙන්න පුලුවන්ද? | Love Guru

ඇත්තටම ආදරේ අර්ථ දක්වන්න පුළුවන්ද ? එහෙම කරන්න පුළුවන් කෙනෙක් ඉන්නවද?.මම නම් හැමදාම විශ්වාස කරේ ආදරේ කියන එක සාපේක්ෂයි කියලා.කෙනෙක් ආදරේ විඳින විදිය තව කෙනෙක්ට  හාත් පසින්ම වෙනස්.මම දැකල තියනවා සමහර ආදරේ කරන අය ඉන්නේ යාළුවො වගේ.ඒ වගේම සමහර ආදරේ  කරන අය අතරේ තියෙන්නේ ගෞරවයක්.සමහර පෙම්වතියො ඉන්නවා තමන්ගේ පෙම්වතාට තියෙන්නේ බියමුසු ආදරයක්.හ්ම්ම් සමහර අයට තියෙන්නේ කාලෙත් එක්ක ඇතිවෙච්ච ආදරයක්.ඒත් ටික දෙනෙක් දැක්ක ගමන්ම ආදරෙන් බැඳෙනවා.

මදක් මනස නිරවුල් කරන් හිතන්න.තමන්ගේ පෙම්වතා එක්ක විවාහ වන තරුණියක් සහ යෝජිත විවාහයකට මුහුණ දෙන තරුණියකගේ හිතේ තමන්ගේ සැමියා ගැන ඇති වෙන්නේ කොහොම හැගීමක්ද කියලා.අපිට එක පොදුවේ ආදරේ කියලා කියන්න පුළුවන් උනාට ඒ ආදරේ මොන විදියද  අර්ථ දක්වන්න පුලුවන්ද?.මම නම හිතන්නේ ආදරේ කියන දේ අර්ථ දක්වන්න පොදු සුභාවිතයක් නෑ කියලා.එහෙම නැත්තන් ආදරේ කියන්නේ මේකයි කියලා තව කෙනෙකුට උගන්නන්න පුළුවන් තනි පුද්ගලයෙක් මේ ලෝකේ නෑ කියලා.

ආදරේ උගන්නන එක උනත් පුද්ගලයාගෙන් පුද්ගලයට වෙනස් වෙනවා.මෙහෙම හිතමු , පෙම්වතා කියලා දෙන ආදරේ පෙම්වතියට තේරෙනවා නම් දැනෙනවා නම් ඒ දෙන්නගේ ආදරේ තවත් වැඩිවෙලා සදාකාලික ආදරයක් වෙනවා.ඒත් ඒක තේරුනේ නැත්තන් වෙන්නේ දෙන්න රන්ඩු  සරුවල් වෙලා දුකින් අසතුටින් ඉන්න එක.හැබැයි සතුටින් ඉන්න අය ළඟ ගොඩක් ආදරේ තියනවා.අසතුටින් ඉන්න අය අතරෙත් ටිකක් ආදරේ තියනවා.                

කෙනෙක් ආදරේ විග්‍රහ කරන්නේ තමන්ගේ අත්දැකීම් එක්ක.තමන් ආදරේ කරපු විදියට , ඒ ආදරේ තමන්ට දැනුන විදියට.හිතන්න කෙනෙකුට කියන්න පුළුවන් එකිනෙකට වෙනස් ප්‍රේම සබඳතා ගොඩක් තියන කෙනෙක්ට ආදරේ ගැන අත්දැකීම් වැඩියි කියලා.කොහොමද මම කිව්වොත් කෙනෙක් සබඳතා ගොඩකින් ආදරේ ඉගෙන ගන්නවා කියන්නේ ඒ කෙනා සාර්ථක ආදරවන්තයෙක් නෙවෙයි කියලා.ආයෙත් කියන්නම් ආදරේ කියන දේ අර්ථ දක්වන්න පොදු සුභාවිතයක් නෑ.කෙනෙක් එහෙම හිතන් ඉන්නවා නම් ඒ තමන්ගෙම ෆැන්ටසියක තමන්ම අතරමං වෙලා කියන එක විතරයි.     

මට පුළුවන්
කියාදෙන්න
චුම්බනයක්
දෙන
හැටි

එහෙමත්
නැත්තන්
ආදරේ
නාමයෙන්
රවට්ටන
හැටි

අපි
හිතමු
විරහවට
විඳවන හැටි
කියලා

ඒත් ඒත්
මට තේරෙන්නේ
නෑ
කොහොමද 
කියලා දෙන්නේ
කියලා

ඇත්තටම
ආදරේ
කරන
හැටි

ප.ලි -සමහර අයට මේක මඩක් කියලා හිතෙන්න පුළුවන්.මේක මඩක් නෙවෙයි එදිනෙදා සිද්දියකින් ලියන්න මාතෘකාවක් හොයා ගත්තා විතරයි.