51 what happen to others හෙවත් whobuzz?

" මග තොටේදි, බස් එකේදි, කවුරු හරි ඇහුවොත්.. ලියල පෙන්නන්න කිව්වෝත්.. තමන් අහන රේඩියෝ චැනල් එක මොකක්ද කියලා..".හීනෙන්ද මන්ද ඇහුන එම වචන පෙළත් සමග දඩිබිඩියේ ඇදෙන නැගිටුන මා  වෙනදාට උදේට විතරක් මදින දත් විසිපහකින් පමණ සමන් විත මාගේ දත් සැට්ටුව හවස පහට විතර මැද ගෙන අහිංසක මා ලක ලැස්ති වුයේ සුවහසක් බ්ලොග්කරුවන්ගේ හදවත් වල බුර බුරා නගින සහසක් බලාපොරොත්තුවල කුටප්‍රාප්තිය හෙවත් මහා ඔස්කාර්  සම්මාන උළලේ ප්‍රතිපල ප්‍රකාශය ඇසීමටයි(මොකක් ඔස්කාර්?).චොක්ලට් බිස්කට් පැකට්ටු දෙකක් සහ වටවල කහට වලින් පිරවූ උණුවතුර බෝතලය මට තුරුළු වී අමන්දානන්දයට පත්ව සිටියේ අපිට තියන එකම ආතල් එක ඉතින් මේක නේ කියාගෙනය.ලක්ෂේට කොඩිය දමා උළෙල පැවැත් වුනි.චේන් එක පැන්න අතර.එකෙන්ම කන් පාත් උනි.මාගේ සංවේදී හදවත අපයෝජනයට ලක්වූ  අතර මෙතැන් සිට මා විසින්  භාවිතා කරනු ලබන්නේ මාගේ අපචාර වූ සිතිවිලි සමුදායයි.

මම අවංක විය යුතුය.ඇත්තෙන්ම මට මෙම ප්‍රශ්නය ගැන මෙලෙස විචාරන්න කිසිදු සාදාරන අයිතියක් නැත.මක් නිසාද යත්  මා අයත් වනුයේ අයදුම් නොකළ කුලකයට වන නිසාය.එහෙත් අදහස් දක්වා සිටින්න යැයි මාගේ යටි සිත කරනා සාදාරන ඉල්ලීම සැලකූ කල මා විසින් දක්වන අදහස්ද සාදාරනීකරණය වනු ඇත. 

අවසන් වටයට තෝරාගත් බ්ලොග් අඩවි ගැන සහ අවසාන ප්‍රතිපල ගැන කිසිසේත්ම සෑහීමකට පත් විය නොහැක.මක් නිසාදයත් අවසන් විනිශ්චය සඳහා පරිසාධන මට්ටමට සාපේක්ෂව ඉතාමත්  ඉහල නිරමානශිලිත්වයෙන් යුතු බ්ලොග් අඩවි බොහොමයක් අවසන් විනිශ්චය සඳහා තේරී නොමැති බව මෙම සටහන පරිශීලනයේදී පෙනී යයි.

විශාල වශයෙන් කරුණු දැක්වීමක් අවශ්‍ය නැත.උදාහරණයක් ලෙස sAm (සෑම්) විසින් ලියා ඇති ඇති මෙම පොස්ටුව ගන්න.පෙට්ටිය කඩලම කටට (දා)ගන්න හැටි... කවි පෙළ ලංකාවේ ඊ මේල් පහසුකම ඇති ජනතාවගෙන් අඩුම තරමේ  60% ක් වත් කියවන්නට ඇත.එම ප්‍රසිද්ධිය නිර්මානශීලිතාවය ලෙස අර්ථ දැක්විය නොහැකිනම් උළලේ විනිශ්චය මණ්ඩලය තුල ඇති රසාස්වාදය ප්‍රශ්න කල යුතුය. 

රැඩිකල් අංශයෙන් ප්‍රථම ස්ථානයට පැමිණි තැනැත්තා මාහැගි දක්ෂ බ්ලොග් කරුවෙකි.එහෙත් ඔහුගේ රචනා ශෛලිය ‘රැඩිකල්‘ ලෙස  අර්ථ දැක්වීම කරනු ලබන්නේ කුමන සාධක උපයෝගී  කරගෙන දැයි කිසිදු   උපකල්පනයක් ගොඩනැංවිය නොහැක.ඔහු උත්තමපුර්ශයෙන් ලියනා රචනා ශෛලිය ඔහුට විශේෂත්වයක් ගෙනාවත් එය ‘රැඩිකල්‘ නොවන බව කියා සිටීමට කැමැත්තෙමි.‘රැඩිකල්‘ යනු කුමක්දැයි විනිශ්චය මණ්ඩලයට වටහාදිය යුතුය.සම්පුර්ණයෙන්ම රැඩිකල් බ්ලොගයක් යැයි අර්ථ දැක්වීමට නොහැකි නමුත් රමීශාගේ සමහර නිර්මාණ(නිර්මාණකරණයේදී ඇය මාදුටු උසස් ගනයේ නිර්මාණ කාරියකි.නිර්මාණකරණයේදී බොහෝවිට ඇය ‘රැඩිකල්‘ සහ සංවාදයට යොමුකළ හැකි  නිර්මාණ බිහි කරන අතර විචාරයේ යෙදීමේදී ගතානුගතික හා ආත්මාර්ථකාමී වේ).රජා ගේ  සමහර නිර්මාණ,සෑම් ගේ සමහර නිර්මාණ, රොබින් ගේ  සමහර නිර්මාණ,සමීරගේ ගේ  සමහර නිර්මාණ ‘රැඩිකල්‘ ලෙස හඳුනා ගැනීමට හැක.

'කාන්තා බ්ලොග්කරණය' යන කැටගරිය තුල හිරුහිමාවී අවසන් විනිශ්චය සඳහා වූ පරිසාධන මට්ටමට වත් පැමිණ නොසිටි අතර ජනප්‍රියම බ්ලොගය සඳහාවූ චන්දයේදී ඇය ජයග්‍රහණ කර තිබුණි. 

සම්මානය දිනාගනු ලැබුවේ යැයි පැවසෙන බ්ලොග් අඩවිය එම මට්ටමට පැමිණියේ කෙසේදැයි වත් සිතා ගත නොහැක.

  

'සාහිත්‍ය බ්ලොග්කරණය' තෝරාගත් හැටි මට තවම තේරුම් ගත නොහැක.ප්‍රථම ස්ථානය වූ බ්ලොග් අඩවිය තුල වන අන්තර් ගතය සාහිත්‍ය නම්, මා මෙතුවක් කල් ඉගෙනගත් සියල්ල අමතක කල යුතුව ඇත.එම  විට මගේ මුව අගින් සෙමින් මිමිනෙන්නේ "අනේ  විනිශ්චය මණ්ඩලය තොපේ  $#%$#%$#%$#%$#&$#" කියාය . 

තවත් බොහොමයක් අඩුපාඩු අවසන් වීනිශ්චයෙදි දක්නට ලැබෙන අතර මා විසින් ඉහත උපුටා ගනු ලැබුයේ මෙම උළෙලට අයදුම් කරන ලද බවට මා විසින් පුද්ගලිකව දන්නා  දක්ෂ බ්ලොග් කරුවන් කිහිප දෙනෙකු ගැන පමණි.(රමීෂා පුද්ගලිකව නොදන්නා අතර අයදුම් කර තිබුනේ ද නැත.)

අන්තිමට කියන්න තියෙන්නේ ඉතින් "මම අහන්නේ අහවල් රේඩියෝව කියල" ලොකුවට ගෙදර ඉස්සරහ ගහන් ඉන්න අය දැන්වත් ඔය හීනෙන් නැගිටලා ඇස් ඇරලා බලන්න.

"මග තොටේදි, බස් එකේදි, කවුරු හරි ඇහුවොත්.. ලියල පෙන්නන්න කිව්වෝත්.. තමන් අහන රේඩියෝ චැනල් එක මොකක්ද කියලා." අනේ උබේ අම්මට කියපල්ලා.

ප.ලි. - මේක ලිව්වේ කුහක කම නිසාවත් පුද්ගලික තරහක් නිසාවත් නෙවෙයි.කවුරුවත් මේ වැරදි ටික පෙන්නලා දෙන එකක් නැති නිසා.