39 සිගරට්...දුම සහ මතකය

මිනිස්සුන්ට ප්‍රශ්න.දාහක් ප්‍රශ්න.ඊට අමතරව වෙනත් අයගේ දේවල් ගැනත් තැවෙන්න උනාම ඊට වැඩිය අමාරුයි.


මම කලින් පොස්ට් එකක ඇයි මම අරක්කු බොන්නේ කියන දේ මට හිතෙන විදියට අර්ථ දක්වල තිබුනා.

බොන හැම වෙලාවේම මට ඔයාව වැඩිපුර මතක වෙන එක විතරයි වෙන්නේ.ඒත් ඒ මත ගතිය හිත ඇග අඩපන කරනවට ආසයි මම.ඇස් පියා ගත්තම ඔයාව නොපෙනී ගන කළුවරම පේන ඒ හිංසාකාරී මත් ගතියට ගොඩක් ආසයි මම.ඒත් ඒ මත් ගතිය ඉවර වෙලා අයෙත් ඇස් වහ ගත්තම ඔයාව පේන එකට මගේ ජීවිතේටත් වඩා ආසයි මම.දුක නැති කරගන්න හොදම විසදුම බොන එක කියල තේරුම ගිය ඇත්තමයි...ඊයේ ඔයා ගැන හිත හිත බොනකොට... 

මිනිස්සු පරිනත වෙන්නේ කාලයත් එක්ක.මම අද ඉන්නේ එදා හිටිය මතයේ නෙවෙයි ඇත්තටම ඔය ගැන(මම බීපුවට වින්දවපුවට මට පව් නෑ.පව් පිරෙන්නේ මාව ඒ තත්වෙට පත් කරපු අයට).දුකට බොනවා කියන මිනිස්සු බොහොමයක් බොන්නේ තමන්ගේ හිත රවට්ට ගන්න.මත් ගතිය කියන එක හැමදේටම බෙහෙතක් නෙවෙයි.මොනවා උනත් මම මේ බොන උන්ට බොන්න එපා කියල කියන්නේ නෑ.මොකද ආතල් එකට ඉදල හිටලා බොන උනුත් ඉන්න නිසා.

හැබැයි විරහව කියන එක දෙවිදියකට අර්ථ දක්වන්න පුළුවන්.එකක් තමයි තමන් ආදරය කරන කෙනා තමන්ව දාල යන එක.දෙවෙනි එක තමයි තමන් ආදරේ කරන කෙනා තමන් ව දාල සදහටම යන එක.ඒ කියන්නේ ඒ තැනැත්තා තව දුරටත් ජීවත් වෙන්නේ නැත්තන්.එතකොට විරහවට බොන එක සාදාරනයි.ඔහොම බැලුවම විරහ දුකට බීල වැඩක් නෑ කියලයි කියන්නේ.විරහ දුකට බිව්වට කමක් නෑ ඒ වගේ කෙනෙක් වෙනුවෙන්.එත් ඉතින් එහෙම බැලුවම හරි හමන් කෙනෙක් නම් දාල යනවද?.නැත්තන් දුක් දේවිද?

මම නම් කියන්නේ මතක අමතක කරන්න ඒ මතක උඩින් ඊට වඩා ලස්සන මතක අපි අපේ හිත ඇතුලට ගන්න ඕන.පරණ මතක අලුත් මතක වලින් replace කර ගන්න පුළුවන් නම් ඔක්කොම හරි. 

මිනිස්සු ප්‍රශ්න අමතක කරන්න සිතුවිලි චංචල වෙලාවට සිගරට් බොනවා.කට්ටිය කියනවා වෙලාවකට හිතට එන දරාගන්නම බැරි සමහර සිතිවිලි සිගරට් එකක් බිව්වම ඒ දුමත් එක්කම මුහුකරලා නැති කරලා දන්නා පුළුවන් ලු.මන්ද මට නම් එහෙම හිතෙන්නේ නෑ.ප්‍රශ්නයකට සිගරට් එකක් බොනවා කියන එක නිකන් ඒ ප්‍රශ්නෙට පුංචි ඉසිබුවක් විතරයි.එක හරියට නිකන් ඇලවෙන්නේ නැති ප්ලාස්ටර් එකකින් තුවාලයක් ආවරණය කරන හදනවා වගේ වැඩක්.

හරි අවන්කවම කතා කරොත් මම ඇයි මේ සිගරට් බොන්නේ කියල කල්පනා කරනකොට තමයි මට මේ ගැන හිතුනේ. හිත ගොඩක් චංචල වෙලාවට සිගරට් එකක් බිව්වම පොඩි සහනයක් තියනවා.ඒ ප්‍රශ්න අමතක වෙන නිසා නෙවෙයි සිගරට් එකට ඇබ්බැහි වෙච්ච නිසා.මතක අමතක කරන්න සිගරට් බොන අය ඉන්නවනම් සරල බාසාවෙන් ලියපු කවියක් තියනවා එකත් බලන්න. 



සිගරට්
එකක්
උනා නම්
ඔයාගේ
මතකය
පුච්චලා දාන්න
තිබුනා
දුමත්
එක්ක
මුහු කරලා
සදහටම
එත්
අන්තිමේදී
අතේ
ඉතුරුවෙන
ෆිල්ටර් එකට
මොනවද
කරන්නේ
මම

ප.ලි - ඔය පින්තුරේ ඉන්නේ මම...හාහ් හාහ් හාහ්