61 ඔයා බඩුවක් (18+) | Harlotry (18+)

ආදරණීය මැණික

මට සමාවෙන්න වස්තුව.....මම හීනෙකින්වත් හිතුවේ නෑ මේ සම්බන්ධෙ මෙච්චර ඉක්මනට කැඩිලා බිඳිලා යාවි කියලා.ඒත් ඔයා නරකයි.ඔයාගේ චරිතේ හොඳ නෑ තේරෙන භාෂාවෙන් කියනවා නම් ඔයා බඩුවක් කියලා දැන දැනම මම කොහොමද? ඔයාට ආදරය කරන්නේ.මම පරමාදර්ශී මිනිහෙක් නෙවෙයි.පාරේ නටන්න ඕන හැම නැටුමම නටපු බඩ්ඩක්ව ඔක්කොම දේවල් අමතක කරලා කර ගහ ගන්න තරම්.එහෙම කරත් මට ඔයාගේ ඔය නරක ඇබ්බැහිවීම ගැන මම අමතක කරන්නේ කොහොමද?  


මට මතකයි මම  ඉස්කෝලේ  හැසිරුණ විදිය.මම පිරිමියෙක් වෙලත් කවදාවත් බිග් මැච් එකකදී වත් කුණුහරප කිව්වේ නෑ.මම ස්කොලේ භාහිර ක්‍රියාකාරකම් වල උනත් නිරත උනේ බෞද්ධ චින්තනය පසුබිම් කරගෙන.මම ගිය ඉස්කෝලේ ඇනුවල් වොල්ක් එකට උනත් මම ගියේ පාසල් නිල ඇඳුමින් සැරසිලා සිංහල බෞද්ධ කොල්ලෙක් විදියට.ඒක සති අන්තෙක නෙවෙයි නිවාඩු කාලෙක උනත් එච්චරයි.දැන් මගෙන් අහගෙන එන්න එපා සුදු ඇඳුම බෞද්ධද කියලා.ඔයාට දැනුනද දන්නේ නෑ ඔයාව අල්ලපු මේ අත් දෙකෙන් කොච්චර "දුම් වැටි හා මත් වතුර බීමෙන් වළකින්න" , "බුදු සසුන බැබලේවා" කියලා ලියාපු පුවරු අරගෙන යන්න ඇත්ද කියලා ?.

ඒකට ඔයා.ඔයා ගෑනියෙක්ට කරන්න පුළුවන් පහත්ම විදියට මහා පාරේ නැටුවා .අනික ඔයා දන්නවා මම මොන වගේ පවුලකින් පැවතගෙන එන කෙනෙක්ද කියලා.මම වගේ පිරිසිදු බෞද්ධ කොල්ලෙක්ට බෑ චිංචිමානවිකාවකට කර ගහන්න..තේරුම් ගන්න.ඔයාට දැන්වත් තේරෙනවද ඔයා ඇඳපු ඇඳුමේ අසංවර කම.ඇඟටම තද වෙච්ච ඩෙනිම.දෙයියනේ ඊට හොඳයි ඇඳුම් නැතුව ගියා නම්.බෞද්ධ ඉස්කෝලයකට නේද ඔයා යන්නේ?.ඔයත් එක්ක යාලු උනා කියලා අපේ අම්මලා මට මොකුත් කිව්වේ නැත්තේ ඔයාගේ ඉස්කෝලේ ලොකුව ගැන හිතලා.හරිනම් ඔයාල අතේ තියෙන්න ඕනේ බෞද්ධ කොඩිය.අඳින්න ඕනේ ළමා සාරිය.ඩෙනිමටයි ටි එකටයි පෙන්නේ අතුයි මුනයි විතරක් උනාට ළමා සාරියට ඉනයි බුරියයි දෙකම පේනවා කියල කියන්න හදන්න එපා.ළමා සාරිය කියන්නේ අපේ සිංහල සංස්කෘතිය.       

දැන් දැන් මට හිතෙනවා ඔයා මම එහේ මෙහෙ යන් කියලා කිව්වමත් එක පයින් කැමති උනේ ඔයා බඩුවක් නිසා වෙන්න ඇති කියාලා.මට ඊට වැඩිය දරාගන්නම බැරි දේ මම අතගාන්න  රුපියල් 1500 ක් 2000 ක් වියදම් කරපු තැන් ඔයා මහා පාර මැද්දේ වෙන උන්ට නොමිලේම අතගාන්න දීලා.සමහර දේවල් ගැන මට ඇත්ත තේරෙන්නේ දැන් තමයි.ඔයයි මමයි තනි වෙලා ඊට පස්සේ ආරක්ෂාව සලසගන්න ෆාමසි එකට ගියාම උනත් ඔයා බය නැතුව ඇතුලට එන්නේ ඔයාට ඒවා පුරුදු නිසා වෙන්නම ඕනේ.ඔයා මගේ අතින් බඩ  වෙච්ච කීප වතාවකම අපි පෙති බීලා ශේප් උනා නේද.හරිහමන් සිංහල බෞද්ධ කෙල්ලෙක් නම් එහෙම කරයිද?.මම පත්තරේකත් දැක්කා  ලැගුම්හල් සහ අනවසර ගබ්සා ආයතන වලින් සේවය ලබා ගන්නා පාරිහෝගිකයින්ගෙන් 70%ක් පමණ පාසල් වයසේ කෙල්ලෝ කියලා.ඔය 70% ඔයා කීපාරක් ගණන් වැටුනද දන්නේ නෑ.. 

හැංගි හැංගි වෙස් බැන්දත් නටන්න වෙන්නේ එළිපිට කියලා කතාවක් තියනවා නේ.ඔන්න ඔයා එළිපිට නැටුවා.ඔයාගේ ඔක්කොම හෙළි උනා.ඔයා කුඩු ගහන බඩුවක්.මට තවත් බෑ බඩුවක් එක්ක ඉන්න.හැමදේම මෙතනින් ඉවරයි.     

මීට ඔයාගෙම රංග

ප.ලි - බෞද්ධ කම රැක ගන්න පොඩි උත්ඝෝෂණයක් තියනවා.බෞද්ධ පාසලක ළමයි විදියට යාලුවොත් එක්ක එන්න ඇවිත් අපිට එකතු වෙන්න.   

පිළිතුරු ලියුම මෙතනින් බලන්න