37 දුෂ්ටයා හමුදාව විතරද? | The battle for water

සැබෑ ජන අරගලයක් යනු කුමක්දැයි? මා සෑම විටම කල්පනා කල මාතෘකාවකි.අද දින වන වන විට වැලිවේරියේ සිද්ධිය ජන අරගලයක් ලෙස ලේබල අලවා එයට වෙනම අර්ථකතනයක් දී ඇතුවාක් මෙන් මාද ඉහත සිද්දියට වෙනම අර්ථකතනයක් දීමට තැත් කිරීමක් ලෙස මෙම ලිපිය හදුන්වමි.

රතු පස්වල සිද්ධිය සැබෑ ජන අරගලයක්දැයි මදකට විමසා බලමු.ඇත්තෙන්ම එහි ආරම්භයද සියලුම සැබෑ ජන අරගල යක් මෙන්ම සාධාරණ හේතුවක් මත ඇතිවූ බව සිතා ගැනීමට ඉතා පහසුය.යම් කර්මාන්ත ශාලාවක් නිසා අවට ප්‍රදේශයේ වැසියන්ගේ ඉතා වටිනා මානව අයිතිවාසිකමක්‌ උල්ලංඝනය වේ.ඔවුන් රැල්ලක් ලෙස නැගී සිටින්නේ ඔවුන්ගේ සාමකාමී ඉල්ලීම් වලට කන නොදුන් තැනයි.මධ්‍යස්ත මතධාරියෙක් ලෙස ඔවුන්ගේ නැගීසිටීම අධි සදරනීකරණය කරන්නේ එබැවිනි.ඔවුන් ඔවුන්ගේ සටන තරමකට ජයග්‍රහණය කරන ලදී.වගකිවයුතු අංශ වල අවධානය ඔවුන්ට යොමු වීම සහ අනිත් මිනිසුන්ගේ සහ යෝගය ලැබීම, එකම අරමුණක් වෙනුවෙන් කැපවුන ජන පදනමක් නිර්මාණය වීම  තරමක ජයග්‍රහණයක්‌ නොව සුවිසල් ජයග්‍රහණයක්‌ ලෙස දැක්විය හැක.  

එහෙත් ඔවුන්ගේ සටන ඔවුන් මුහුණ දුන් අසාදාරණය වගකිවයුත්තන්ගේ අවධානයට යොමු වූ කල ඔවුන්ගේ හැසිරීම සාදාරණයැයි කිව හැකිද?.සිද්ධිය සම්බන්ධයෙන් අධිකරණයේ නඩුවක් පවතින විට,කර්මාන්ත ශාලාවේ පාලනාධිකාරිය කර්මාන්තශාලාව තාවකාලිකව වසා දමන බවට පොරොන්දුවක් දී තිබියදීත්,භූගත ජලයේ ඇති අධි ආම්ලික තාවයට වග කිවයුත්තේ කර්මාන්ත ශාලාවෙන් පිටවන අපිරිසිදු ජලය යැයි විද්‍යාත්මක පරීක්ෂණයකින් විමසා බලා එකී වාර්තාව අධිකරණයට ඉදිරිපත් නොවී තිබියදීත් වග කිව යුත්තන් ඔවුනට  සාදරනයක් ඉටුකරන බවට ප්‍රසිද්ධ සහ ලිඛිත පොරොන්දු දී තිබියදීත්  ඔවුන් අත්තනෝමතිකව පාවිච්චි කරන්නේ ඔවුන් සැබෑ අරගලයෙන් දිනාගත් නිදහස නොවේද?.එවිට එය සාදාරණ ජන අරගලයක් ලෙස අර්ථ දැක්විය හැකිද?.

පුද්ගලයකු සටන් කරන්නේ යම්කිසි අරමුණක් ඉටු කර ගැනීම සඳහාය.සටන මෙහෙයවන්නන් වැඩි වූ කල සටනට අදාළ වන අරමුණුද කිහිපයක් වීමද සාදාරනීකරණය කල හැකි තත්වයකි.රතුපස්වල මිනිසුන්ගේ සැබෑ අරමුණ කුමක්දැයි මා හට දැනටත් ඇති ගැටලුවකි.යම්කිසි විදියකින් ඔවුන් බලා පොරොත්තු වුයේ භූගත ජලය ආම්ලික වීමට හේතු වී යැයි සැලකෙන (තවම ඔප්පු කර නැති නිසා ) කර්මාන්ත ශාලාව වසා දමා භූගත ජලය පිරිසිදු කර ගැනීමද?එසේත් නැතිනම්  විනාශ වී ඇති ඔවුන්ගේ භූගත ජලය ප්‍රභව වෙනුවට රජයෙන් ඔවුනට වෙනත් ක්‍රම මගින් ජලය ලබා ගැනීමද.මා දැක්වූ අරමුණු දෙකම එකිනෙකට පරස්පර සහ කෙටිකාලින විසදුම් ලබාදිය නොහැකි ඒවා ලෙස සැලකිය හැක.මක්නිසාදයත් අවට ප්‍රදේශයේ භූගත ජලයට සිදු වූ හානිය යතාතත්වයට පත කිරීමට විශාල කාලයක් ගතවන බව විද්‍යාත්මක පරීක්ෂණ වලින් ඔප්පු වී ඇත.බොහෝවිට එය පරම්පරා කීපයකට සිදු නොවිය හැක.තවද ඔවුනට විකල්ප ජල ප්‍රභව ලෙස නල ජල ව්‍යාපෘතියක් ක්‍රියාත්මක කිරීමද දිනකින් දෙකකින් සම්පුර්ණ කිරීමද ප්‍රායෝගිකව කල නොහැකි කාර්යයකි.පාලනාධිකාරියට දිය හැකි ඉක්මන්ම විසඳුම නම් දැනටමත් ඔවුන් විසින් පවත්වාගෙන යන පිටතින් ජලය ගෙනගොස් බෙදාහැරීමේ ප්‍රමාණය ජනතාවගේ අවශ්‍යතාවයට සරිලන පරිදි වැඩි කිරීමය.එසේනම් ජනතාව ක්ෂණික විසදුම් ඉල්ලා අසාධාරණ ලෙස මාර්ගය හරස් කිරීමත් තමන්ට පිරිසිදු ජල පරිභෝජනය කිරීමේ අයිතිය නැති කල අයට දඩුවම් ලබාදී තමන්ට සාධාරණය ලබා දෙන්නයි ඉල්ලීම එකම අරගලය ලෙස අර්ථ දැක්විය හැකිද?

වර්තමානයේ ලාංකීය ජනතාව තුල අරගල වලදී භාවිතා කරන අලුත්ම විලාසිතාවකි.එනම් මාර්ගය හරස් කිරීමයි.ඇත්තෙන්ම එය සාර්ථක ක්‍රමයකි.සාදාරණ ජන අරගලයකට මාර්ගය හරස්කිරීම යනු සිතු පැතූ දේ දෙන කප්රුකක් වැනිය.එහෙත් රතුපස්වල ජනතාව නව නුවර මාර්ගය හරස් කිරීම සාධාරණද?.මදක් සිතන්න ඔවුන් අහිමි කරනු ලැබූ මානව අයිතිවාසි කමක් ලබා ගැනීම වෙනුවෙන් අහිමි කරන්නේ තවත් පිරිසකගේ මානව අයිති වාසිකමක් නොවේද?.අනාරක්ෂිතව සිටින තම දරුවා වෙත යන මවක හෝ පියෙකු , තම පෙම්වතිය මුණ ගැසීමට යන පෙම්වතකු.අසාධ්‍ය රෝගියෙකු එසේත් නැතහොත් පමාව නිසා තම ජීවිතයේ වටිනාම අවස්තාවක් අහිමි කර ගත් මිනිසෙකු හෝ ගැහැනියක , පමා කරනු ලැබූ පිරිසට අයත් නොවී යැයි පැවසිය හැක්කේ කාහටද?.මහමග ගමන කරන්නන් පමා කිරීමට රතුපස්වල ජනතාවට සදාචාරාත්මක අයිතියක් තිබේද?

නැවතත් අවධාරණය කරමි වැලිවේරිය සිදු වීම යනු අන්තවාදී ජන කොට්ටාශයක වල්බූරු නිදහස නිරුපණය කිරීමක් මිස කිසිසේත්ම සැබෑ ජන අරගලයක් නොවේ.

හැම දේටම කාලයක් තියනවා.කාලේට කලින් කරත් අසාර්ථකයි කාලේට පස්සේ කරත් අසාර්ථකයි.මේක තව සතියකින් කරානම් මීට වැඩිය සාර්ථකව සහ ශක්තිමත්ව කරන්න තිබුනා නේද?.විසඳුමක් දෙනවා කියලා තියෙද්දිත් විසදුම දෙනවා කිව්වා කාල සීමාව ඉක්මෙන්නට කලින් උපවාස කොච්චර සදාරණද.(පසුව එකතු කරන ලදී)

ලිපියේ මාතෘකාවට අදාලව යමක් ලිවීමට මෙය අවස්තාව කර ගනිමි.වැලිවේරිය සිද්ධිය පිලිබඳ රුපවාහිනි පුවත් මගින් දැනගත් විගස මා සිතට පැමිණි අදහස වුයේ "පාර හරස් කරන් අනිත් උන්ට කරදර කරන වේසිගෙ පුතාලට පොලිසියෙන් පැනලා ගහන්නේ නැහැනේ අම්මප" කියාය.රතුපස්වල අරගලකරුවන් නීතිවිරෝධී ක්‍රියාවක නිරත වේ.ඔවුනට දඩුවම් කල යුතුය.එහෙත් එය කිසිවිටකත් මරණ දඩුවම හෝ වෙඩි පහර කා තුවාල වීම නම් නොවේ.පහරක් කා තුවාල වීම පොලීසිය අතින් මිස යුධ හමුදාව අතින් නම් නොවේ.හදිසි නීතිය ක්‍රියාත්මක නොවන රටක කැරලි මර්ධනයට යුධ හමුදාව යොදා ගැනීම කෙතරම නීතිවිරෝධී සහ සදාචාරවිරෝධි දැයි ඔබට අමුතුවෙන් පැවසිය යුතු නැත.සිවිල් රාජකාරි ඉටුකීරිම සඳහා ශ්‍රී ලංකා පොලිසිය යනුවෙන් නම් කරන ලද ආයතනයක් ශ්‍රී ලංකා රජයේ පාලනයට අවනත අතර සියලුම සිවිල් කටයුතු වලට මැදිහත් වීම සඳහා ඔවුන්ට ව්‍යවස්ථාවෙන් අවසර ලබා ඇත.කැරලි මර්ධනය සඳහා යුධ හමුදාව කැඳවීම ලාංකීය පොදුජන හදවතෙහි(සුළු ධනේශ්වර අවස්ථාවාදීන්ගේ නොවේ) යටපත් උන එහෙත් සුවපත් නොවුන තුවාලයක් නැවත පෑරීමක්‌ බඳුය.මාර්ගය හරස් කල වරදට ඔවුන්ට උරුම දඬුවම මරණය නම් පාලන තන්ත්‍රයේ  ගරු කටයුතු යැයි කියා ගන්නා බොහොමයකට දියයුතු මරණයට එහා දඬුවමක් සිතා ගත නොහැකි වීම කනගාටුවට කරුණකි.

ලිපිය අවසන් කිරීම සඳහා නන්දා මාලිනියගේ "පවන" ගීත සමුච්චයේ එන රණ දෙරණේ ගිනි අවි ගත් ගීතය උපුටා දක්වමි.මා වචන සහසකින් පැවසිය යුතු දේ එහි පද කීපයකින් ඔබට පසක් වනු ඇත. 

රණ දෙරණේ ගිනි අවි ගත් යුධ සෙබළුනි අසනු මැනව

වෙඩි උණ්ඩය වැයකොට නුඹ සුරැකිය යුතු ජන පිරිසය ...

යුක්තිය උදෙසා මොරදෙන ජනයා නසතොත් වියරුව

වැනසෙන්නේ නුඹද අයත් පන්තිය බව සිතට ගනුව ...

ඉලක්කයට නතු වන විට රුදු මරණයෙ ඉරණම් කරු

බලව සිතා එක මොහොතක් වරද කිමැයි ඔහුගෙ රුදුරු

වැටුපට හිමි මරණ ගනන් නොව නුඹලා මිනිසුනි ගරු

අයුක්තියේ අණ පිලිපැද කුමටද නුඹ පළදින තරු

මානන ගිනි දණ්ඩ තුලින් පෙනෙන තරුණ පපු කුහරය

අධම කැලක කට අද දින නහර පිනන රස අහරය

උන්ගෙ බහට නිදොස් ජනන් මරතොත් නුඹ සෙබල සගය

පමා කරන්නේ නුඹ හෙට නැගෙන්ට යන නව අරුණය ...