35 කේන්දර සහ මම

ඊයේ පෙරේද රොබින් දාපු පොස්ට් එකයි තව සමහර දේවලුත් එක්ක මමත් හිතුව ටිකක් කේන්දරේ ගැන කතා කරන්න.කේන්දර ගැන තරමක් විශ්වාස කරන සහ තරමක් විෂය කරුණු දන්නා කෙනෙක් විදියට මම දන්නා දේවල් ටිකක් බෙදා ගන්න කියල.

ඇත්තම කියනවනම් සීන් එක කේන්දර ගැන විශ්වාස කිරීම සහ නොකිරීම පුද්ගලයාගේ පෞර්ෂත්වය එක්ක වෙනස් වෙනවා උදාහරණයක් විදියට කේන්දර විශ්වාස නිකර තමන්ට කේන්දරේ කොච්චර අපල තිබුනත් ගණන් ගන්නේ නැතුව තමන්ගේ ජීවිතය දිනන මිනිස්සු ඉන්නවා.තවත් සමහරු ඉන්නවා කොච්චර අවස්තාව තිබුනත් කේන්දරේ මතම යැපිලා තමන්ගේ දියුණුවට තියන අවස්තාව නැති කර ගන්නවා.ඔයට අමතරව භාගෙට කේන්දර විශ්වාස කරලා භාගෙට උත්සාහ කරලා දෙයක් භාගෙට වත් ලැබෙන්නේ නැති මම වගේ උනුත් ඉන්නවා.

හැබැයි විවාහ වෙන්න තීරණය කරනවානම් ඉතින් ටිකක් හරි පොරොන්දම් කියන එක බලන්න වෙනවා නැත්තන් සොරි තමයි.ඒ මොකද කියනවනම්....හ්ම්ම්ම්ම් එක්කෝ ඕන නෑ.එක මම කියන්නේ නෑ දන්නා එකෙකුගෙන් අහ ගන්න.ඔය ඉන්නේ විද්‍යුත් මාධ්‍ය වලින් කේන්දර බලන උදවිය.මම මොකටද උන්ට බඩේ පාර ගහන්නේ.

දැන් කට්ටිය සිරා පොස්ට් එකක් බලන්න ඇවිත් කට ඇද කරන යන්න දෙයක් නෑ.ඔය පහලින් තියන කවිය කියවල යන්න. 

පෙම් බැඳිමි සඳට
මම…
කුරුටු ගෑ බොහෝ
කවි පද…
පිදුවෙමි නුඹේ
නමටම…..
වසඟ උනෙමි මම
මුදු සිහිලට…
ඒත්…ඒත්…ඒත්…
වන්ක සඳ නුඹ
දහයෙ කොටුවෙ
සිට
වින කටින අන්දම
මට….