28 සමාවෙන්න මට........

මම දන්නවා මම  හින්ද මම වටේ ඉන්න ගොඩක් අයට දුකක් විතරයි ඉතුරු උනේ.සමාවෙන්න කියනවා ඇරෙන්න ඔයාට කියන්න වෙන දෙයක් නෑ.එත් ඔයාට නොකිය ඔයා වෙනුවෙන් ගොඩක් දේවල් කරන්න පුළුවන්.මට කියාගන්න බැරි වෙච්ච ගොඩක් දේවල් තියනවා.එත් ඒවා ලස්සනට ලියන්න මට බෑ. පුළුවන් මේ විදියට වචන ගැටගහන්න විතරයි.ආයෙමත් සැරයක් ඉල්ලනවා මම ..දහස්වතාවක් සමාවෙන්න මට........

වස්සානය කැන්දන් ආ සුමුදු මලුත් වරා
ගිම්හානය ආවාදෝ මැකී ආල නුරා
මගේ පවින් නුඹේ ලොවින් නික්මුණ මල්සරා
යලිත් ඒවි නුඹේ ලොවට වසන්තයම අරා


සිහින ගෙනා සඳ මැකුනද මහ රෑ සැනින්
දුබල සුසුම් නික්මුනාද දහසක් වරක් හිතින්
අහිතක් නෑ සාප කරත් මටත් නුඹේ මුවින්
නුඹ වෙනුවට හඬනෙමි මම කඳුළු පිරුණු නෙතින්


නුඹට හිතයි මගේ හිත තව නැතුවට මට නුඹේ හිත
කඳුළු ගලයි සිහිවෙන විට මිලාන උන ඔය වත
වියෙලෙන්නට හිනා ඇවිත් කඳුළු පිරුන නුඹේ නෙත
පෙලා ගනිමි යවටින් මම පව් සපිරුණු මගේ ගත

නුඹේ නෙතින් ගැලුව කඳුළු මගේ නෙතින් යලි ගලන්න
නුඹේ හිතේ නැඟුණු සුසුම් මගේ හිතේ ගිගුම් දෙන්න
නුඹේ ගතට දැනුනු රිදුම් මගේ ගතට යලි දැනෙන්න
මගේ සිනා නුඹ අරගෙන තව සැරයක් හිනා වෙන්න

ප.ලි - මම මේ කාලකන්නි ජීවිතේ දාල යන්නේ මගෙන් වෙච්ච වැරදි ඔක්කොම හරි ගස්සලා.ඒ නිසා බය නැතුව ඉන්න..