53 මගේ සොහොන

මරණය  අත්  දැකල තියනවද..නැත්තන් මරණයේ වේදනාව දැනිල තියනවද?...මරණ බය දැනිල තියනවද?

ජීවිතේ තුන්වෙනි වතාවටත් ඒක වින්දා.

පලවෙනි වතාවට ඩෙංගු හැදිලා දවස් 16 ක සුන්දර ICU හෝටලේ නතර වෙලා ඉන්න කොට.දෙවෙනි එක එහෙම හිටිය එකා සති දෙකක් යන්න කලින් batch get එකේ හරකෙක් වගේ බීල ලේ වමනේ දාපු පාර.

තුන්වෙනි වතාව මේ ඉතාම ආසන්න දවසක.
      

ගැස්ට්‍රික් හැදුන කියන්නේ එකේ අමාරුව කොහොමද කියල කට්ටිය දන්නවා ඇතිනේ.මොනවා කරන්නද නින්ද යන්නෙත් නෑ අමාරුවට. 

කල්පනා කරකර ඉන්න කොට හිතුන මම මේ වගේ වෙලා හදිස්සියේ මැරුනොත් මගේ සොහොන කොහොම හදාවිද කියල.ඒ නිසා දැන්ම මගේ සොහොන හැදෙන්න ඕන හැටි කියල තිබ්බොත් හොදයි කියල හිතුන.

මොකෝ මැරුණට පස්සේ පේනවය කියලයි.

සරලයි.

1.හැඩය සමචතුරශ්‍රය විය යුතුය.
2.උඩින් ලොකුවට මගේ නම.
3.පින්තුරයක් 
4.පුංචි කවියක්. (මම දැනටමත් ඒක ලියල තියෙන්නේ )     

සැ.යු - උපත විපත අනවශ්‍යයි.      

නිකන් පහල තියන පින්තුරේ වගේ එකක් .

යටින් වැටෙන්න ඕන කවිය තමයි  


මිලින උනත්
අකලට
වසන්තයේම
වෙන මලක සුවඳ
ලෙසින් හෝ
එමි
නුඹ ළඟට
ගිම්හානයට පෙර………


ප.ලි - හරියන පින්තුරයක් තමයි තාම හොයා ගන්න බැරි උනේ..මම හිතන් ඉන්නේ එකට තරගයක් තියන්න.... ..


හ්ම්ම්ම්.....හිතුන දේ හිතේ තියන් ඉන්නේ නැතුව කිව්වා නම් .............