57 පුරුදු කාරයාගේ කවිය.... (18+)

මම කලින් ලිව්ව බඹසර කවියට ලැබුණු ඉමහත් පාටක ප්‍රතිචාර නිසා හිතුව ලියන්න තවත් ඒ ආරෙම කවියක්.ඇත්තම කියනවනම් මේක කලින් කවියේ මුල් කොටස වෙන්න ඕනෑ.ඒත් ඉතින් හොලිවුඩ් ෆිල්ම් ගහන්නෙත් කතාව මුලින් ගහල ආරඹේ දෙවෙනියට දෙන එක නේ...මම මේකට පුරුදු කාරයාගේ කවිය කියල  නම දැම්මේ පෙනෙන යටි අර්තෙටත් වැඩිය තව එකක් ඇතුලේ තියන නිසා .කොහොම උනත් මේක මගෙන් ලියවිච්ච තවත් වෙනස් විදියේ කවියක් .මේකේ සැඟවුණු යටිපෙළ තේරෙනවද බලන්න.මම අදහස් කරේ අපිට තේරෙන දේට යටින් තියන එක. 
   





වැටකේ මල් සුවඳ සුළගින් මග හැඳින
තැන තැන බිම් තබුරු මල් පාවඩ මතින
චල රූ මැදින් පෙම් සිතුවිලි කිති කවන
සැගවෙමු අපිත් පොඩි හෙවනක හිරු නොඑන

නුපුරුදු නුහුරු හින්දද ඔතරම් ඈත
බය වෙන්නෙපා නොහරිමි මම ඔය දෑත
ඈතින් එන සුළඟ කරනවා සියොලග සීත
මට ගුලිවෙන්න නැහැ දෙනෙතක් ලග පාත

වෙව්ලන මගේ දෙතොලට නොදැනෙන පහස
දැනුනා නුඹ ගෙලේ කෙහෙරල්ලක ගැවස
රොබරෝසියා තොල් පෙති නිවනවා පවස 
තව කල් තියේ මගේ සඳ වෙන්නට සවස

හරි සුසිනිදුයි නුඹේ කන්පෙති සරා සඳ
මම විඳිනකන් නුඹ නොසැලී ඉන්නවද
හදවත් අපේ එක රිද්මෙට  ගැහෙන සඳ
දැනුනා පුරුදු සුව සුසුමන් ගගක් මැද

සිරකර තියෙන සුසිනිදු හංසයෝ රෑන
විමසයි ලගින්නට හද විල ලග පේන
විලියෙන් ආදරෙන් කෝලං ඉගි පාන
නෙත් දෙක පියවුනා අවසර කැන්දාන

සදවත පමා වෙන්නට කලියෙන් නුඹට
අතහැර යමුද අපේ ලෝකය තැනු අවට
තව මොහොතක් ඉන්ට නුඹ කියනා ලෙසට
ලන්වෙනවාද විඳිනට නුඹේ සුවඳ  මට


ප-ලි : මේකට (18+) දැම්මේ නිකන් වගේ.ඒ උනාට යටි පෙළත් එක්ක ගත්තම ගැලපෙනවා.