34 සීසර්

මේ සීසර් නම ඇහුන ගමන්ම අපිට මතකෙට එන්නේ කවුද?.හ්ම්ම්ම් අර දක්ෂ රෝමානු සෙනෙවියා,නැත්තන් අර සූර පප්පා එකේ විදියට ක්ලියෝපැට්රා ගේ හබියා.එහෙමත් නැත්තන් ෆිනෑන්ස් කරලා වාහන අරන් වාරික ගෙවන්න කල් පහු කරන අයගේ මාරයා.අර දරු උපතකදී කරන සැත්කම .අහ්හ් තව කසාද බැඳපු මහත්වරුන්ගේ ඉටු දෙයියා.හා හා දැන් කට්ටියගේ කටවල් කන ගාවට ඇවිත් දිවවල් බුරිය ගාවට ඇවිත් ඇති නේ.හේතුව හොයාගන්න නම් ඉතින් අන්තිම වෙනකන්ම කියවන්න වෙනවා.


ජුලියස් සීසර් ගැන , වාහන සීසර් ල ගැන ඒවගේම සීසර් සැත්කම ගැන මම අමුතුවෙන් කියල දෙන්න දෙයක් නෑ කට්ටිය දන්නවනේ.ඉතින් කොහොමද සීසර් "කසාද බැඳපු මහත්වරුන්ගේ ඉටු දෙයියා" වෙන්නේ.මේක තමයි සමාජ ගවේෂක මානවකගේ අලුත්ම සමාජ විද්‍යාත්මක සොයා ගැනීම.වැඩියය ආලවට්ටන් නැතුව ලේසියෙන්ම කියන්න පුළුවන් සරල සංසිද්දියක්.    

සීසර් කොහොමද කසාද බැඳපු මහත්වරුන්ගේ ඉටු දෙයියා වෙන්නේ ?පුරුදු විදියටම කතාවකින්ම විස්තර කරන්නම්කො. 

ඔන්න තරුණ ගෑණු ළමයෙක් ළඟදි මව් පදවිය ලැබුවා…ඉතින් ඒ දවසෙ මේ ළමයට කම්කරු වේදනාව(ලේබර් පේන්) ගොඩක් දැනිලා…ඒත් දෙය්යන්ගෙ පිහිටෙන් කරදරයක් නැතිව ලස්සන කෙලි පැටික්කියෙකුත් මේ ලෝකෙට ආව.ඒත් අලුත් අම්මගෙ හිතේ තිබ්බෙම ඉතින් අර වේදනාව තමයි.වරදක් හිතන්න එපා දරුවත් එක්ක තරහින් නෙවේ ඒත් අරක තමා හිතේ…

(ඒක ගොඩක් වේදනාකරි අත්දැකීමක්.අම්මලා දරුවන්ට ගොඩක් ආදරේ වෙන්න එක හේතුවක් කියලයි මම හිතන්නේ )

ඉතින් ඔන්න අලුත් අම්මගේ අම්මල එහෙම ආවලු අලුත් මිණිපිරීයි දුවවයි බලන්න….ඉතින් මෙයා අම්මට හරිම දුකෙන් කිව්වලු…අනේ මම නම් ආයේ නම් අරයට මගේ ඇගට අත තියන්න දෙන්නෙත් නෑ ළමයි හදන්නෙත් නෑ කියලා….(ඒ මොකක්ද කියල මගෙන් අහන්න එපා ඕන්.)

ඉතින් මේක අහන් හිටිය අම්මා හරිම නිවුනු ස්වරයෙන් කිව්වලු..

ඕවා පුතේ මැහුම් කපනකන් විතරයි…. කියලා…   

කතාව ඉවරයි.තෑගී නැති ප්‍රශ්නය...  

සීසර් කොහොමද කසාද බැඳපු මහත්වරුන්ගේ ඉටු දෙයියා වෙන්නේ ?